an Kreyòl
Patnè Ayiti (Haiti Partners) ap ede Ayisyen chanje Ayiti. Koman ? Nou investi nan yon kalite edikasyon ak lidèchip ki baze nan respè ak diyite Bondye bay chak moun.
Vizyon nou ann Ayiti se pou chak timoun fè pati nan yon lekòl ki byen efikas nan jan yo ede ti Ayisyen devlope pwòp talan ak kapasite yo. Pou legliz yo byen reponn defi sosyal ak espirityel epi pou demokrasi pran jarèt toupatou ann Ayiti.
Travay nou
Nou kolabore ak pwofese lekòl, lidè, lekòl, legliz ak lòt oganizasyon yon fason ki ede louvri lespri, motive, epi fè gaye chanjman ni ann Ayiti, ni Ozetazini pami moun k ap soutni nou. Men, n ap jwenn plis enfòmasyon an Kreyòl sou yon aspè travay nou nan sit entenet Eksperyans la.
Pwojè Ranfòse Kapasite Sivik
Gras a USAID, Haiti Partners ap fè li posib pou 1,000 edikatè jwenn fòmasyon nan de (2) teknik ki ka ede ranfòse kapasite sivik. Pou aprann pi plis epi pou enskri, klike la.
Liv nou yo
Nou devlope materyèl edikatif pou avanse travay nou. Moun ap sèvi ak livre sa yo nan lekol, legliz, ong, ak gwoupman nan anpil kote nan peyi a. Men plizye nan livre yo:
- Gid Espas Ouvri se yon liv pou ede moun aprann sèvi ak metòd espas ouvri a, ki se yon fason pou oganize rankont kote chak moun gendwa pwopoze sijè pou diskite ak lòt moun ki enterese.
- Refleksyon Bib la se yon metòd pou fè lekti ak lapriyè ak yon ti gwoup.
- Refleksyon Bib la Pou Timoun se yon metòd pou fè lekti, lapriyè, epi fòmasyon espirityèl avèk timoun yo.
- Refleksyon Teyolojik se yon metòd pou reflechi epi diskite sou yon tèks ki gen karaktè esperityèl. Epi se yon metòd pou ede moun pouse refleksyon yo pi lwen epi devlope plis lespri kolaborasyon.
- Lapriyè Egzamen se yon metòd pou fè yon ranmase sou jounen ou sot pase a yon jan pou w ka viv nèt piplis chak jou pou Kris ak lòt yo.
Tanpri, kontakte nou pou plis enfòmasyon sou liv Wonn Refleksyon nou. info@haitipartners.org
